فيبالك ؟ 50 بالمائة فقط من قاطني الارياف تصلهم شبكة الصوناد

فيبالك أكثر من 300 ألف تونسي ما عندهمش ماء والي التونسي يعيش بأقل من 400 متر مكعب من الماء في العام. وفي بالك اللي تونس رابع مستهلك للمياه المعلبة في العالم واللي 50 %فقط من قاطني الأرياف مربوطين بالصوناد .
أما راهو نقص الماء مش كان مالتغيرات المناخية فما برشا سوء تصرف وين أكثر من 55 % من مياه الأمطار تتبخر والا تمشي طول للبحر زيد عليه ربع شبكة الصوناد عمرو أكثر من 37 سنة. وفيبالك زادا اللي 80% من الموارد المائية في تونس تستهلكها الفلاحة وقتلي تستهلك شركة فسفاط قفصة سنويا 50 مليون متر مكعب من الماء ومعامل الدجين تستهلك 70 لتر من الماء لغسل السروال الواحد بالرغم اللي تونس تحت خط الفقر المائي. وزيد على هذا الكل فما تفاوتات كبيرة في ربط المؤسسات التربوية بالماء واللي مثلا 28 % أكهو من مدارس القصرين فيهم ماء